Gobe!! 200l FUNAI student got 100l student pregnant, What happened next would surprise you.

http://www.marastrove.com/marablack/

Later dem go sey Mara na Amebo, well no be my fault sha… i dey on my own when dis gist fly enter my ear.

Hmmmm!  I hear sey one 200l guy give im babe wey dey 100l belle, as dem come go do test for Abakaliki, the babe no wan make im bobo  no sey she carry belle, na im she come plan am with de lab attendant sey make dem write ‘negative’ for de result wey she go show de bobo. After everytin na, De babe don already collect de main result wey be ‘Positive’ as she wan show am to im aunty. My dear, where gobe come hapun be wen de bobo sey im wan see de result again as dey don comot for de lab.

E no funny at all wen de bobo find out sey  im babe carry belle… If u see de kain beating wey dis bobo beat im babe ehn, i hear sey de babe even faint sef as she never chop since morning reach dat evening wey dem go do de test.

Anoda thing wey i come hear again be sey de babe go buy one kain road-side medicine so dat she go comot the belle… hehehe!! belle no gree comot o, as de babe come dey bleed na, dem com rush her go clinic.

All dat one no even pain me o, de one wey make me vex comot cloth na de one wey i hear sey de bobo never give de babe shimgbain, na only de time wey de babe dey sick wey de bobo cook for am one kain Spaghetti, wey i no even dey sure sey dem put gheisha or sardine inside sef…

Na wa o!!

No tell me sey u dey find de babe and de bobo names o, cos no be Mara mouth u go from hear dat one.

Spread the love

2 Responses to Gobe!! 200l FUNAI student got 100l student pregnant, What happened next would surprise you.

  1. emp says:

    Lol. Na for too much sauce and juice d guy dey oo.

  2. Winifred says:

    😂😂😂😂😂😂😂😂😂😂😂😂😂😂😂😂😂😂😂😂😂

Leave a Reply

Your email address will not be published. Required fields are marked *

WhatsApp Chat us on Whatsapp
Contact Webmaster: Tutapis Technologies